اس ہفتے درجہ حرارت میں اضافے کے پیش نظر، ماحولیات اور آب و ہوا کی تبدیلی کینیڈا نے کیلگری اور جنوبی البرٹا کی متعدد برادریوں کے لئے گرمی کی وارننگ جاری کی ہے۔
وارننگ سے متعلق بلیٹن کے مطابق 30 ڈگری سینٹی گریڈ کے قریب درجہ حرارت ہفتے کے زیادہ تر عرصے تک برقرار رہے گا جبکہ رات کا کم ترین درجہ حرارت 14 ڈگری سینٹی گریڈ کے آس پاس رہے گا۔
محکمہ موسمیات کی وارننگ میں کہا گیا ہے کہ یہ گرم درجہ حرارت رواں ہفتے کے وسط سے آخر تک برقرار رہے گا۔
لوگوں کوتلقین کی جاتی ہے کہ وہ شدید درجہ حرارت کے دوران باہر نکلتے وقت متعدد احتیاطی تدابیر اختیار کریں جن میں زیادہ دیر باہر رہنے سے گریز، بیرونی سرگرمیوں کو دن کے ٹھنڈے اوقات میں کرنا اور کافی مقدار میں پانی پی کر ہائیڈریٹ رہنا شامل ہے۔
کیلگری شہر کے حکام گرمی پر قابو پانے میں مدد کے لیے عوام کے ساتھ تجاویز بھی شیئر کر رہے ہیں، جن میں شہر بھر میں لائبریریوں، کمیونٹی سینٹرز، اسپلیش پارکس اور تالابوں جیسے مخصوص کولنگ اسٹیشنوں کی فہرست بھی شامل ہے۔
لوگوں اور پالتو جانوروں کو ہائیڈریٹ رکھنے کے لئے چھ مقامات پر واٹر اسٹیشن بھی قائم کیے گئے ہیں ، ہر اسٹیشن پر پانی کے چشمے ، بوتل بھرنے والا نوزل اور ایک مسٹنگ فنکشن شامل ہے۔
کیلگری کے باشندوں کی حوصلہ افزائی کی جاتی ہے کہ وہ اس ہفتے شدید گرمی کے دوران کمزور پڑوسیوں، اہل خانہ اور دوستوں کی دیکھ بھال کریں۔
ماحولیات اور آب و ہوا کی تبدیلی کینیڈا کے مطابق، ہیٹ ویو کی وارننگ اس وقت جاری کی جاتی ہے جب بہت زیادہ درجہ حرارت والے حالات میں گرمی سے پیدا ہونے والی بیماریوں، جیسے ہیٹ اسٹروک یا گرمی سے تھکاوٹ کا خطرہ بڑھنے کا امکان ہوتا ہے.
ای ایم ایس کے پبلک انفارمیشن آفیسر شین پیٹن کا کہنا ہے کہ لوگوں کے لیے گرمی سے متعلق بیماریوں کی علامات کو سمجھنا ضروری ہے۔
پیٹن نےکہا کہ ‘لوگوں کو سر میں درد ہو سکتا ہے، قبض ہو سکتا ہے، قے ہو سکتی ہے، پسینہ آ سکتا ہے اور شاید کچھ سردی لگ سکتی ہے۔
”جیسے جیسے یہ ہیٹ اسٹروک کی طرف بڑھتا ہے، وہ بے چین ہو سکتے ہیں، ہوش کھو سکتے ہیں۔
