کینیڈا کی برآمدات اور درآمدات کے درمیان فرق 2008 کے بعد سے وسیع ترہو چکا ہے۔جسکی وجہ سے کینیڈا 3.2 ارب ڈالر کا سرپلس حاصل کرنے میں کامیاب رہا۔
جون میں 2008 کے بعد کینیڈا کا تجارتی سرپلس اپنے وسیع ترین مقام پر آگیا ہے کیونکہ تیل جیسی مصنوعات کی برآمدات میں اضافہ جبکہ درآمدات میں کمی واقع ہوئی ہے۔
شماریات کینیڈا نے جمعرات کو اطلاع دی کہ برآمدات 8.7 فیصد اضافے کے ساتھ 53.8 ارب ڈالر تک پہنچ گئیں۔ برآمدات میں 22 فیصد اضافے کے ساتھ توانائی سے حاصل ہونے والی آمدنی 11.3 ارب ڈالر تک پہنچ گئی۔ یہ مارچ 2019 کے بعد کی سب سے بڑی آمدنی ہے۔
کاروں اور کاروں کے پرزوں کی برآمدات میں بھی 14.9 فیصد اضافہ ہوا اور اس کے ساتھ دھاتی اور غیر دھاتی معدنیات کی برآمدات میں بھی 12.7 فیصد اضافہ ہوا۔
مجموعی طور پر کینیڈا نے گزشتہ ماہ کے مقابلے میں جون میں دنیا کو 4.3 ارب ڈالر زیادہ اشیاء اور خدمات برآمد کیں۔ اگر 2020 کی غیر مستحکم تعداد کو ختم کر دیا جائے تو یہ ریکارڈ میں سب سے بڑا ماہانہ اضافہ ہے۔
صارفین کی اشیاء میں 3.7 فیصد کمی کے ساتھ درآمدات ایک فیصد کم ہوکر 50.5 ارب ڈالر رہ گئیں۔ دریں اثنا کاروں اور کاروں کے پرزوں کی درآمدات میں 3.8 فیصد کمی واقع ہوئی۔
تاہم کینیڈا نے ایک قسم کی اچھی چیز درآمد کی وہ ویکسین تھی۔ ایک ماہ میں ویکسین کی درآمدات 74.5 فیصد بڑھ کر 745 ملین ڈالر تک پہنچ گئیں۔ یہ ان ٹیکوں کی مقدار سے 21 گنا زیادہ ہے جو کینیڈا ایک سال قبل اسی ماہ درآمد کر رہا تھا-
